Dowladda Puntland ayaa kusoo dhaweysay Dekedda magaalada Boosaaso – Qoysas Yemeniyiin iyo Soomaali ah oo kasoo cararay colaada ka socota dalka Yemen.
Dadka ayaa kasoo cararay dagaallada kasoo cusboonaaday Yemen, ee u dhexeeya Ciidamada Dowladda Yemen ee Sacuudigu taageero iyo kooxda Xuutiyiinta ee Iran taageerto.
Doonta dadka sidday oo maalmo kahor kasoo baxday Yemen, ayaa saaka kusoo xiratay Dekedda Boosaaso.
Xubno ka socda Wasaaradda Arrimaha Gudaha Puntland iyo Hay’adda UNHCR ayaa dadka kaga hortagay Dekedda Boosaaso.
Puntland ayaa sheegtay in loo diyaargaroobay soo dhaweynta dadka kasoo barakacay colaada Yemen.
Horey, deegaanada Puntland waxaa ugu sugnaa kumanaan Yemeniyiin ah, kuwaas oo kasoo cararay colaada dalkoodu galay 2015kii.
IDILNEWS