Kenya iyo Midowga Yurub,ayaa kala saxiixday heshiis iskaashi dhaqaale oo weyn (EPA) kaas oo dammaanad qaadi doona in Waddanka ku yaalla Bariga Afrika uu canshuur la’aan iyo gelitaanka aan xadidneyn ee badeecadaha la soo xulay uu gaarsiiyo Midowga Yurub, oo ah Suuqa ugu weyn ee dhoofinta.
Madaxweynaha Kenya William Ruto iyo madaxa guddiga Midowga Yurub Ursula Von Der Leyen ayaa ku sugnaa xaflad lagu saxiixayay magaalada Nairobi.
“Udub-dhexaadka heshiiskan ayaa ah rabitaankayaga inaan lacag dhab ah gelinno jeebabka dadka caadiga ah: beeralayda, xirfadleyda iyo haweenka, farsamayaqaannada, gaadiidleyda iyo noocyada kale duwan ee shaqaale ee ka qaybqaata wax soo saarka, gaadiidka isaga iyo gaarsiinta halka u dambeeya macaamiisha alaabaha kala duwan ee ay khusayso saxiixa heshiiskan,”Ayuu yiri Madaxweyne Ruto.
Kenya waxaa looga baahan yahay in ay ka jawaabto iyada oo si tartiib tartiib ah suuqeeda u fureysa wax soo saarka Midowga Yurub.
Midowga Yurub waa halka ugu horraysa ee dhoofinta Kenya iyo la-hawlgalayaasha labaad ee ugu weyn ganacsiga, wadarta guud kaas oo dhan $3.6 bilyan ee ganacsiga 2022 – koror 27% ah marka loo eego 2018.
Labada baarlamaan ee EU iyo Kenya waa inay ansixiyaan heshiiska si uu u dhaqan galo.
EPA,ayaa markii hore loogu talagalay xubnaha Bulshada Bariga Afrika (EAC) laakiin dhammaan dalalka ku jira ururka gobolka, ayaa heshiiska ka baxay 2014-kii