Madaxweynaha Mareykanka Joe Biden ayaa sheegay in uusan kalsooni ku qabin suurtogalnimada in si Nabdoon awoodda loogu kala wareego, hadii ay dhacdo in doorashada Bisha Nofember ee soo socota looga adkaado musharraxa xisbiga Jamhuuriga Donald Trump.
Mr. Biden ayaa hadalkan ku sheegay wareysigii ugu horreeyey ee uu bixiyo tan iyo markii uu isaga haray tartanka doorashada madaxweynenimada Mareykanka.
Doorashada Mareykanka oo lagu wado inay dhacdo bisha nofeembar ee sannadkan ayaa waxaa xilka madaxweynaha ku tartami doono Donald Trump iyo Kamala Harris oo kala matalaya xisbiyada Jamhuuriga iyo Dimuqraadiga.