Madaxweynaha Ukraine Volodymyr Zelensky,ayaa u muuqda in uu gacmo maran kala soo laabanayo Aqalka Cad, ka dib markii madaxweynaha Maraykanka Donald Trump uu u muujiyay in aanu diyaar u ahayn in uu siiyo Ukraine gantaalada aadka loo doono ee Tomahawk.
Ka dib kulankii Aqalka Cad ayaa Trump isaga oo adeegsanaya barta bulshada uu ugu baaqay Kyiv iyo Moscow inay ‘’dagaalka ku joojiyaan halka ay taagan yihiin’’ lana soo gabgabeeyo dagaalka.
Kulanka Trump iyo Zelensky ayaa yimid maalin uun ka dib markii uu Trump kula hadlay Khadka taleefonka madaxweynaha Ruushka Vladamir Putin, ayna isku waafaqeen in sida ugu dhakhsaha badan ay ku kulmaan Hungary.