Sidee Loola Heshiin?
Hoo nimaan ku tarayn
Hiilna kuu galahayn,
Hantidaad u yeeshiyo
Intaad maal u hibeeysey
Kuugu haynnin abaal
Hawana aad uga buuxdo,
Hanad baan ahay fiican
Iyo rag adaa u horreeya
Hiyigiisu tusaayo,
Daruurta haadi korkeenna
Iyo cirkaas haaminhayaa.
Haddaad hoos u ogaatana
Hungo aan waxba dhaamin
Oo halna aan ku tarayn
Hilibna kiin isku keeney,
Sidee loola heshiin?
Cismaan Yuusuf Keenadiid
[Geeraar]