Madaxweynha Mareykanka Donald Trump ayaa amar ku bixiyay in diyaaradaha Militariga Mareykanku ay duqeeyaan Iiraan,sida ay baahinayaan warbaahinada Caalamka.
War Qoraal ah oo uu daabacay Wargeyska Newyork Times, ayaa sheegaya in madaxweyne Trump uu bixiyay awaamiir la xiriirta duqeymo ka dhan ah Iiraan,balse uu dib uga laabtay goโaankaasi markii ay diyaaraha dagaalku ay hawada galeen, ayna isku diyaariyeen duulaanka Iiraan.
Sidoo kale maraakiibta dagaalka Mareykanka ayaa dagaal u diyaar garoobey,ilaa iyo haatan Lama oga sababta goโaankaasi uu u qaatay Trump,balse wararka ayaa sheegaya in aysan la qabin Wasiirka Arrimaha dibadda Mike Pompeo iyo Johon Bolton oo ah,lataliyhaha amniga ee Trump.
Inkastoo xiisada Mareykanka iyo Iiiraan ay soo jiitamaysay, ayaa hadana Mareykanku ka carooday diyaarad ay lahayn Washington oo ay soo riiday Iiiraan,iyadoo ku sheegtay in si gardarro ah ku soo gashey hawada dalkeeda,diyaaradaasi oo la sheegay in qiimaheedu uu ku fadhiyay 130 Milyen oo Dollar.
Madaxweynaah Dalka Mareykanka Donald Trump ayaa xaruumaha uu amray in la duqeeyo waxaa kamid ah,dhismayaasha Raadeerka,iyo kuwo Militari,balse iiraan ayaa sheegtay in ay is difaacayso ayna ka gorgortamin arrimaha qadiyada dalkeeda.
Dhanka kale Nanci Palosi oo ah Guddoomiyaha Aqalka Congress-ka ee Mareykanka ayaa ugu baaqaday Trump in uu ka digtoonaado in uu isku sii furo xaalado cakiran,waxaana ay xustay in Mareykanku uusan haatan diyaar u ahayn dagaal lala galo dalka Iiraan.