Warbixin ay soo saartay Jaamacadda AMERICAN UNIVERSITY,ayaa looga hadlay guulaha taariikhiga ee ciidamada geesiyaasha ah ee Puntland ka gaareen dagaalka ay kula jiraan kooxda argagixisada ah ee Daacish in kabadan 11 bilood.
Sidda ku cad warbixinta ciidamada Puntland oo garabsanaya saaxiibada caalamiga ah, ee ka taageera duqeymaha hawada ayaa u babac dhigay kooxda Daacish, iyagoo horumar baaxad leh ka sameeyay aagga dagaalka, si ba’ana u jabiyay Daacish oo isku tilmaamtay Dowladda islaamiga ah, horreyna dagaalo badan uga gashay dalal ay kamid yihiin Ciraaq iyo Suuriya, halkaas oo dagaalkooda isku bahaysteen Quwado waa weyn oo ay kamid yihiin Dowladdaha Mareykanka iyo Ingariiska.
AMERICAN UNIVERSITY ayaa xustay in guulaha ay ka gaareen ciidamada Puntland dagaalka Daacish ay yihiin kuwo muddan in la dul istaago, Marka loo eego dagaalka natiijo la,aanta ah ee Dowladda Federaalka ah kula jirto kooxda argagixisada ah ee Al-Shabaab, kaas oo aan laga sameyn wax horumar ah marka loo eego taageerada amni caalamku uu siiyo Muqdisho.
Hoos ka akhriso warbixinta American University – oo ku qoran afka Ingariiska.