Madaxweynaha Mareykanka, Donald J. Trump ayaa sheegay in Somaliland tahay dal ka duwan Soomaaliya, xilli uu khudbad u jeedinayay saacado kahor kumanaan kamid ah taageerayaashiisa.
Trump oo rabay in uu weerar afka ah ku qaado Soomaaliya ayaa yiri “Soomaaliya, ma aha Somaliland waa labo dal oo kala duwan”.
Waxaa uu sheegay in dad badan ay jecel yihiin Somaliland, Trump ayaa soo jeediyay in magaca Somaliland si degdeg ah loo beddelo.
Madaxweyne Trump ayaa dhaleeceeyay bulshada Soomaalida ee kunool gobolka Minnesota.
Tan ayaa ka dhigan in uu Mira-dhalay dadaallada Madaxweynaha Somaliland Cabdiraxmaan Cirro iyo safarkii uu ku tagay dhowaan Washington, kaas oo ku garaacayay albaabka dublamaasiyadda, si ugu yaraan Somaliland u soo jeedsato indhaha Caalamka.
In Madaxweyne Trump, oo ah hoggaamiyaha ugu sarreeya dalka ah hoggaanka waddamada Caalamka, uu ku tilmaamo Somaliland dal gaar ah, ayaa sidoo kale muujinaysa fashilka iyo guuldarrooyinka dul yaala maamulka Muqdisho ee sita magaca Soomaaliya, kaas oo ku guuldareystay hirgelinta nidaam dowladdeed oo macaanil wanaagsan iyo dublamayaasiyad Sare la yeesha Caalamka.
IDILNEWS