Inta la xaqiijiyay saddex ruux ayaa ku geeryooday, tiro intaa kabadana way ku dhaawacmeen weerar gantaalo ah oo Xuutiyiinta Yemen ku qaadeen garoonka diyaaradaha caasimadda Boqortooyada Sacuudi Carabiya ee Riyadh.
Weerarka oo dhacay axadii – ayaa Boqortooyada Sacuudigu sheegtay in Xuutiyiintu la beegsadeen dad marayay garoonka diyaaradaha Riyadh, una yimid dalkeeda inay booqdaan Baydka alle, si ay u soo Cumraystaan.
Saddexda qof oo ku dhimatay weerarka Xuutiyiinta ayaa kasoo kala jeeda dalalka Suuriya, Falastiin iyo Bangladesh, sidda ay warisay warbaahinta Sacuudi Carabiya. Sidaas oo kale, dhaawacyada ayaa kasoo kala jeedaan Dalal kale oo ka baxsan Sacuudi Carabiya.
Boqortooyada Sacuudiga ayaa wacad ku martay in Xuutiyiintu dhadhamin doonaan cawaaqibka weerarka.
24 saac ee lasoo dhaafay diyaaradaha dagaalka Sacuudiga ayaa duqeymo culus ka geystay Sanca iyo deegaanada kale ee ay ku xooggan yihiin Xuutiyiintu, iyadoo la diiwaangeliyay in kabadan Kun duqeymood.
Sidaas oo kale, ciidamada Dowladda caalamku aqoonsan yahay ee Yemen ayaa kala wareegay Xuutiyiinta deegaano iyo magaalooyin muhiim ah, kuwaas oo ku dhow xeebta Badda Cas.
IDILNEWS