Roobab baaxad leh ayaa maalmihii lasoo dhaafay ka da’ayay deegaanada Puntland, kuwaas oo sababay daadad waa weyn oo geystay waxyeelo.
Sidda ay muujinayaan xogaha hordhaca ah Roobabka ayaa saameyn weyn ku yeeshay nolasha deegaanada qaar, daadad kusoo rogmaday deegaano dhaca gobollada Mudug iyo Nugaal ayaa sababay burbur hantiyeed, hakad ku yimid isu socodka gaadiidka iyo beeraleyda deegaanada Puntland oo dalagyo badan ku waayay.
Shan habeen oo lasoo dhaafay Roobab xooggan oo da’ay ayaa keenay in Toggaga waa weyn ee deegaanku biyo keenaan, waxaana jiray gaadiid waa weyn oo ku rogmaday jid weyn ee xiriiriya gobollada dalka, gaar ahaan aaga gobolka Mudug.
Dhanka kale, Beeraleyda deegaano katirsan gobolka Mudug, sida deegaanka Horogle oo katirsan Gaalkacyo – ayaa laga diiwaangeliyay khasaare ba’an oo soo gaaray dadka beeraleyda ah, kuwaas oo dalagyo badan ku waayay daadad kusoo rogmaday.
IDILNEWS