Rag hubeysan oo loo maleynayo inay ka tirsan yihiin Ururka Al-Shabaab ayaa weeraro khasaaro geystay oo kala duwan saacadihii la soo dhaafay ka fuliyeen deegaano ka tirsan Gobolka Waqooyi Bari ee dalka Kenya.
Weerarka 1aad ayaa ka dhacay wadada u dhaxeeysa deegaanka Yunbis iyo Magalada Gaarisa,waxaana la sheegay in lala beegsaday Gawaari ay lahayeen Hayโadaha UN-ka ee ka howlgalla deegaannada Gobolka Waqooyi Bari.
Al-Shabaab ayaa sheegtay masโuuliyada weerarkaas,waxaana ay sheegeen inay ku gubeen mid ka mid ah Gawaarida UN-ka sidoo kalena ay gacanta ku dhigeen laba Nin oo mid ka mid ah uu ahaa Darawalka Gaariga.
Dhinaca kale, Al-Shabaab ayaa weerar ku qaaday Tuulada Sinow oo hoostagtaย Magaalada Mandheera, waxaana weerarkas ay Shabaab sheegteen inay ku dileen Wiil iyo Aabihiis oo ka mid ahaa Saraakiisha Ciidamada Kenya ee ka howlgasha Gobolka Waqooyi Bari.
Ma jirto wax war ah oo kasoo baxay Dowladda Kenya, kaas oo ku aadan Weeraadaan kala duwan ee saacadihii la soo dhaafay ka kala dhacay Magaalooyin ka tirsan Gobolka Waqooyi Bari ee dalka Kenya, inta badan gobolkaasi weeraro ka fuliya Xubno ka tirsan Ururka Al-Shabaab.