Xildhibaannada Labada Gole ee Baarlamaanka Federaalka Soomaaliya oo maantay kulan ku yeeshay Magaalada Muqdisho,ayaa ansixiyay Guddiga Madaxa Bannaan ee Doorashooyinka Qaranka iyo Soohdimaha,sida uu sheegay Gudoomiye Aadan Madoobe.
169-Xildhibaan,ayaa ogolaatay, waxaana diiday 6-Mudane,mana jirin cid ka aamustay, sida uu ku dhaawaway Guddoomiye Shiikh Aadan Madoobe.
Guddigan oo loogu yeeray Gudiga Madaxa Bannaan ee Doorashooyinka iyo Soohdimaha,ayaa ah Guddi Qaran oo Dastuuri ah,wuxuuna mas’uul ka noqonayaa Maamulidda Doorashooyinka heerarka kala duwan ee Wadanka iyo in ay hirgaliyaan Doorashooyinka Qof iyo Cod ah oo hufan oo la rabo inay ka dhacdo Dalka sida ay sheegayso Villa Somaliya.
Dhanka kale,waxaa jira Xildhibaano door ah oo kasoo kala jeeda PL iyo JL oo Maanta ka hor yimid ucodaynta Gudigan,waxaana ka dhex dhacay Golaha Gacan ka hadal iyo fawdo.
Xildhibaanada, ayaa ku doodaya in aysan jirin wax la ansixiyay iyo Codayn Sax ah oo dhacday ee kaliya Aadan Madoobe ku dhawaaqay Natiijo been abuur ah.
Gudigan iyo Xeerarkii ka hireeyayba mahan kuwo laysku raacsan yahay oo loo maray Dastuurka iyo habraacyada saxda ah,waxaana kasoo hirjeeda PL iyo JL iyo Siyaasiyiinta reer Muqdisho.