Al-Shabaab,ayaa subaxnimadii hore ee Saakay oo Arbaca ah weerar ku qaaday Saldhig ay Ciidamada DFS ku leeyihiin Deegaanka Masaajidka Cali Guduud ee Gobolka Shabeellada Dhexe.
Weerarka oo ku billowday Qarax kaddib rasaas xooggan,ayaa sababay iska horimaad xooggan.
Inkastoo aan la ogeyn khasaaraha ka dhashay,haddana Labada dhinac waxaa soo gaaray khasaare.
Ciidamada DFS,ayaa iska caabiyay weerarka, iyadoo gurmadyo laga soo daabulay Degmada Cadale, halkaasoo uu hadda ku sugan yahay Madaxweyne Xasan Shiikh Maxamuud.
Al-Shabaab,ayaa sheegtay in ay la wareegeen Gacan ku heynta deegaankaasi, balse ma jirto ilo madax banaan oo arrintaasi xaqiijinaya.
DFS,ayaa wali sii wada howlgallada ka dhanka ah kooxda Al-shabaab ee ka socda Shabeellada Dhexe.
Haday dhabowdo 100% sheegashada AS in ay qabsadeen Masaajidka Cali Guduud,waxay Waji gabax ku tahay MW Xasan oo xoojinta dagaalka utagay Deegamadaas.