Taliska Ciidanka Xoogga dalka Somaliya ayaa maanta oo Khamiis ah 12-ka April waxa ay u dabaaldagayaan 58 sano guuradii ka soo wareegatay markii la aas-aasay Ciidamada Xoogga dalka Somaliya.
Ciidamada Xoogga dalka Somaliya ayaa waxaa la aas-aasay sanadkii 1960-kii xilligaasi kadib waxa ay soo mareen marxalado kala duwan oo dhisme iyo bur bur ah intaba.
Ciidanka Xoogga dalka Soomaaliyeed, waxaa lagu aasaasay ciidan ka kooban 8 horrimood, waxaa lagu magcaabi jiray xiligaasi magaca Cali Boobaaye, ciidankaasi ayaa tiradiisu ahayd 2000 oo Askari, waxaa laga kala qoray 6 gobol oo ka tirsan gobollada koonfureed ee Gumeystihii Talyaaniga gumeysan jiray.
Xarunta Wasaaradda Difaaca Somaliya ayaa lagu qabanayaa munaasabada ku aadan u dabaaldaga ciidamada Xoogga dalka Somaliya 58-sanada ka soo wareegatay aas-aaskooda.
Madaxda dowladda Federalka Somalia ayaa waxaa lagu wadaa inay ka qayb galaan munaasabada Ciidamada maanta loo dhigaayo