Xaaladda amniga Koonfurta Soomaaliya,ayaa sii xumaanaysa, iyadoo dagaalyahannada Al-Shabaab ay sameeyeen horumarro militari oo xasaasi ah, halka taageerada maaliyadeed ee ciidamada ATMIS ay wajahday caqabado.
Xaaladdan cakiran waxay suโaalo ka keenaysaa istaraatiijiyadda milatari ee xukuumadda Madaxweyne Xasan Shiikh Maxamuud, iyadoo guuldarrooyinku isa soo tarayaan.
Al-Shabaab oo Qabsaday Dhul Hor Leh?
Kooxda Al-Shabaab,ayaa la wareegtay kala bar degmada Afgooye, oo ah magaalo istaraatiiji ah kuna taalla 30km uun dhanka galbeed ee Muqdisho.
Dagaalyahannada Al-Shabaab,ayaa sidoo kale qabsaday Masjidka Cali Guduud, oo ku yaalla Gobolka Shabeellaha Dhexe.
Horumarkan wuxuu muujinayaa awoodda kooxda ee weerarrada dagaal, inkastoo ay la dagaallamayaan Ciidamada DFS iyo Xaaxiibbadooda Caalamiga ah.
Ciidamada ATMIS oo Laโ Mushahar?
Maaliyaddii Ciidamada ATMIS,ayaa wajahaysa caqabado adag.
Mareykanka ayaa diiday sii deynta dhaqaalaha loogu talagalay mushaaraadka ATMIS, halka Midowga Yurub uu shuruudo ku xiray bixinta qoondadiisa dhaqaale.
Natiijada ka dhalatay arrintan waxay tahay in mushaaraadka ATMIS ay hadda xaddidan yihiin oo keliya ilaa Juun 2025, taasoo walaac gelisay mustaqbalka joogitaanka ciidamada AMISOM.
Eedeynta Siyaasadeed?
Fashilka dagaalka ka dhanka ah Al-Shabaab iyo caqabadaha dhaqaale waxay sare u qaadeen dhaleeceynta loo jeedinayo Madaxweyne Xasan Sheekh Maxamuud.
Istaraatiijiyaddiisii dagaalka oo ballan-qaadkeedu ahaa ciribtirka Al-Shabaab hadda waxay u muuqataa mid guuldarraysatay. Inkastoo xaaladda sii xumaanayso, haddana madaxweynuhu weli ma qiran fashilka, mana muujin wax diyaar ah oo uu ku qaadanayo masuuliyadda.
Iyadoo Al-Shabaab ay sii fidayaan, halka taageeradii Ciidamada ATMIS ay halis ku jirto,xaaladda amniga Soomaaliya waxay maraysaa marxalad adag.
Haddii aan la helin xal degdeg ah, bilaha soo socda waxay keeni karaan xasillooni darro hor leh, taasoo caqabad ku noqon doonta dadaallada dib u dhiska iyo sugidda amniga Dalka.