Dowladda Puntland ayaa mar kale qaaday tilaabo ka dhan ah talefishinka madaxa bannaan ee Universaltv, kaasoo dhawaan laga mamnuucay inuu kasii shaqeeyo gudaha Puntland.
Amarkaan labaad ee dowladdu soo rogtay ayaa ah in shirkadaha baahiya Tv-yada ee kuyaala Puntland ay hawada ka saaraan Universal Tv, si muuqiisa loo waayo.
Shirkadaha Dsat iyo Ileys oo ah labada shirkadood ee ay soo maraan dhammaan Kanaalada Af-Somaliga, ciyaaraha iyo Aflaanta ayaa maanta laga saaray Channelka Universal.