Xubno katirsan firxadka kooxda argagixisada ah ee Daacish ayaa isku soo dhiibay ciidamada Difaaca Puntland ee saldhiga ku leh deegaanka Yalho oo 40-KM u jira magaalada Boosaaso ee xarunta gobolka Bari.
Ragga isa soo dhiibay oo ah labo Soomaali ah ayaa lagu kala magacaabaa Maadey Xuseen Ibraahim iyo Xassan Ibraahim Cabdiraxmaan, waxaana loo soo gudbiyay magaalada Boosaaso, iyadoo ay ku socoto baaris.
Puntland ayaa weli war rasmi ah kasoo saarin Raggan isa soo dhiibay. Tan ayaana imaanaysa xilli maleeshiyaadka firxadka ah ee Daacish ay dhowaan billaabeen in ay isku soo dhiibaan ciidamada Puntland, kaddib markii ay go’doonsheen ciidamadu, lana kulmeen duruufo nolaleed.
IDILNEWS