Madaxweynaha Dowlad Degaanka Soomaalida Itoobiya Mustafe Muxumad Cumar ayaa sheegay in ay Somaliland kala hadlayaan sidii xurriyadiisa uu u heli lahaa Wariye Cabdi Maalik Muuse Coldoon.
Qoraal uu soo dhigey Barta Facebook soo dhacay Madaxweyne Cagjar ayuu ku sheegay in Cabdi Maalik uu yahay astaan u dhaxeysa Soomaali oo dhan, isla markaana dadaal ay ku bixinayaan sidii loo siideyn lahaa.
“Xukuumada deegaan-ku waxay isku dayaysaa markale inay kala hadasho, madaxwayne muuse biixi iyo xukuumada uu hogaaminayo somaliland. Samafale Abdimaalik muuse siduu xoriyadiiisa Uu u heli-lahaa! Abdimaalik sheikh muuse Waa Astaan Somaali kadhaxaysa” ayuu yiri Madaxweynaha DDS Mustafe Maxamuud Cagjar.
Maxkamadda Magaalada Hargeysa ayaa “8-dii Bishii july ee sanadkii tegay ee 2019” ku xukuntay Wariye Cabdimaalik Muuse Coldoon 3 Sano iyo Lix Bilood oo xarig ah, kaddib markii ay xeer ilaalinta Somaliland ay ku eedeysay inuu u gefay qarannimada ay sheegato Somaliland, iyo aflagaado la sheegay inuu wariyuhu u geystay dugsiga abaarso.