Idilnews ayaa ogaatay in ay been abuur yihiin warar lagu baahiyay baraha bulshada 24 saac ee lasoo dhaafay, kuwaas oo la xiriiray in xubno kamid ah Guddiga Doorashooyinka Puntland iyo shaqaalaha Guddiga ay iibsadeen xogta diiwaangelinta dadka Puntland.
Xubno sare oo katirsan Guddiga PEC – oo aan la xiriirnay ayaa inoo sheegay in aysan jirin xog ka baxday gacanta Guddiga Doorashooyinka Puntland, balse ay jiraan in shaqaale muhiim u ahaa Guddiga, door weyna ku lahaa qabsoomida doorashadii qof iyo codka ahayd ee ka dhacday Puntland wada shaqeyn la yeesheen Guddiga Doorashooyinka ee lagu muran yahay ee DFS, kuwaas oo diiwaangelin aan jiho lahayn ka bilaabay degmada Shangaani oo katirsan Muqdisho.
Shaqaalaha ku biiray Guddiga doorashooyinka Xamar ayaa la xaqiijiyay in ay dayacday Dowladda Puntland, aysana u sameyn xuquuq rasmi ah, taas oo sahashay in si fudud ay ugu gacan galaan.
IDILNEWS