Garoowe, Nofeembar 2, 2024 – Guddoomiyaha Golaha Wakiillada Dawladda Puntland, Mudane Cabdirisaaq Axmed Siciid, oo ay wehliyaan Guddoomiye Ku-xigeenka 1-aad, Mudane Maxamed Baarri Shire, iyo Guddoomiye Ku-xigeenka 2-aad, Mudane Maxamed Maxamuud Ciise, ayaa maanta shir-guddoomiyey fadhiga 4-aad ee Kalfadhiga 55-aad ee Golaha Wakiillada Puntland. Fadhigan, oo ay ka soo qaybgaleen 55 mudane, ayaa waxaa diiradda lagu saaray dhageysiga warbixinno ay soo jeediyeen afar ka mid ah guddiyada Golaha Wakiillada, kuwaas oo dhawaan kormeerro ku sameeyey hay’adaha Dawladda iyo Gobollada dalka.
Guddiyadda ayaa kala ah;
1. Guddiga Xuquuqul insaanka, Haweenka & Arrimaha Qoyska Golaha Wakiillada
2. Guddiga Anshaxa iyo Arrimaha Golaha Wakiillada
3. Guddiga Hawlaha Guud, Gaadiidka,Ganacsiga & Kaabayaasha Dhaqaalaha ee Golaha Wakiillada
4. Guddiga Arrimaha Gudaha, Federaalka & Dimuqraadiyadda ee Golaha Wakiillada
– DHAMMAAD –
Xafiiska Warfaafinta iyo Wacyi-gelinta
Golaha Wakiillada Dowladda Puntland
Website: puntlandparliament.com
E-mail: info@puntlandparliament.com
Facebook: @Parliamentofpl
Twitter: @Parliamentofpl
Instagram: @Parliamentofpl
Telegram: @Parliamentofpl
YouTube: Puntland Parliament