Israa’iil,ayaa magaalada Dooxa ee caasimadda dalka Qatar ka fulisay weerar ay ku bartilmaameedsatay hoggaanka sare ee ururka Xamaas.
Waxaa lagu soo waramayaa in ay lahaayeen shir ay uga hadlayeen hindisehii ugu danbeeyay ee xabad joojinta Qasa.
Muqaal la soo galiyay khadka internetka,ayaa muujinaya qiiq aad u badan oo ka kacaya aaggaas.
Dhowrkii daqiiqo ee u dambeeyay,wasaaradda arrimaha gudaha Qatar,ayaa xaqiijisay in qaraxyada laga maqlay magaalada Dooxa lala beegsaday mid ka mid ah xarumaha ay degan yihiin Xamaas.
Xafiiska ra’iisul wasaaraha Israa’iil Benjamin Netanyahu ayaa sheegay….
“Tallaabadii maanta ee ka dhanka ah madaxda ugu sarraysa Xamaas uu ahaa hawlgal Israa’iil oo madax bannaan.”
“Israa’iil ayaa billowday, Israa’iil ayaa fulisay, Israa’iilna si buuxda ayay mas’uuliyadda u qaaday,”Ayaa lagu yiri bayaan.
Mw Trump,ayaa isla markiiba la hadlay Amiirka Qatar,isagoo ka Tacsiyeeyay weerarka una balan qaaday in aan mar danbe weerar lagu doo qaadayn.
Sidoo kale,wuxuu Trump la hadlay Rw Israa’iil Netanyuhu sida ay sheegtay Afhayernka Aqalka- cad.
Weerarkan way ka badbaadeen Madaxdii Xamaas ee bartilmaameedku ahaa.