In kabadan 100 Xildhibaan ayaa saxiixday mooshin ka dhan ah Guddoomiyaha Golaha Shacabka BFS, Aadan Madoobe, iyagoo ku eedeeyay qodobo ay kamid yihiin ku tumashada Dastuurka KMG ah ee dalka, xeer hoosaadka Golaha Shacabka iyo in uu Aqalka hoose ee Baarlamaanka hoos geeyay Madaxtooyada.
Aadan Madoobe ayaa ku guuldareystay in uu shir-guddoomiyo kulankii sabtidii ee Golaha Shacabka, iyadoo si lamid ah isniintii uu baaqday kulankii Golaha, taas oo ah caqabad weyn oo xallinteeda ay ugu kacayso Guddoomiye Madoobe iyo Villa Somalia qiimo badan.
Baarlamaanka Federaalka ah ayaa sanadihii u dambeeyay ahaa Golle ku guuldareystay in uu ka madax banaanado Madaxtooyada, sidoo kalena la xisaabtamo Xukuumadda, halka in kabadan 70% Wasiirada laga soo xulay Labada Aqal ee BFS.
IDILNEWS