Ruth Anne Stevens-Klitz, ayaa loo magacaabay kuxigeenka Safiirka Mareykanka ee Soomaaliya, iyadoo maalmaha soo socda imaan doonta magaalada Muqdisho.
Danjire Ruth Anne ayaa 25 sano ka shaqeeynaysay Wasaaradda Arrimaha Dibedda Mareykanka, waxaana hada ay ka howlgalaysay Safaarada Mareykanka ee dalalka Senegal iyo Guinea-Bissau, oo ay ka ahayd La-taliyaha Arrimaha Bulshada.
Ruth Anne ayaa horey shaqooyin dublamaasiyadeed uga soo qabatay Safaaradaha Mareykanka ee dalalka Ethiopia, Egypt, Morocco, Germany, Israel, and Armenia, iyadoo xulashadeeda xafiiska Muqdisho ee xilligan ay tahay farriin dublamaasiyadeed oo ka timid Mareykanka, kuna wajahan Xassan Shiikh iyo maamulkiisa waqtigu ka dhammaaday 15 May.
Kaddib imaanshaheeda Muqdisho, Ruth Anne Stevens-Klitz ayaa laga sugayaa Puntland, iyadoo Mareykanku uu hada xooga saarayo joogitaankiisa Puntland oo ah mandiqad istiraatiiji ah, uuna dhowaan la galay heshiisyo waa weyn oo taabanaya Amniga iyo dhaqaalaha.
IDILNEWS