Sidaan horey u soo sheegnay, dhaleeceynta Elon Musk uu u jeediyay sharciga canshuuraha iyo kharashaadka ee Donald Trump ayaa ah udub-dhexaadka khilaafkooda.
Trump ayaa ku tilmaamay sharciga ‘mid weyn oo qurux badan’ Waxaa ku jira canshuur dhimis la dheereeyay, sharciyo adag oo loogu talagalay cidda heli karta kaalmada dowladda dhexe, iyo kor u qaadidda xadka ugu sareeya ee dowladda u ogolaanaya sharci ahaan in ay amaah qaadato si’ay u bixiso kharashaadkeeda.
Qiyaasaha ayaa muujinaya in, sida uu hadda yahay, sharcigu uu kordhin doono miisaaniyadda dayaca oo ah (farqiga u dhexeeya waxa dawladdu kharash garayso iyo waxa soo gala) oo qiyaastii noqonaysa $600 bilyan (£444 bilyan) sannadka maaliyadeed ee soo socda.
Xildhibaanada Aqalka Wakiillada ee Jamhuuriga ah ayaa si cidhiidhi ah u ansixiyay sharcigan bishii May, taasoo Trump u ahayd guul weyn bishii la soo dhaafay.
Sharcigu hadda wuxuu u gudbayaa Aqalka Senate-ka, kaas oo fursad u heli doona inuu ansixiyo ama uu wax ka beddelo qodobbada kahor inta uusan gaarin miiska Trump.
Xigasho:- BBC.