Diyaarad xamuul ah oo ay leedahay Shirkadda diyaaradah Air India oo nooceedu yahay Boeing 787-8 Dreamliner,ayaa ku dhacday Magaalada Ahmedabad ee dalka Hindiya.
Diyaaraddan oo siddey in ka badan 200 oo rakaab ah, kuna sii jeedey Magaalada London,ayaa soo dhacday wax yar ka dib markii ay ka kacday Garoonka Diyaaradaha Ahmedabad.
Diyaaradda oo summadda duulimaadkeedu ahaa AI171, ayaa u muuqata in ay ku dul habsatay deegaan lagu nool yahay.
Wasiirka Duulista hawada ee Hindiya Kinjarapu Ram Mohan Naidu,ayaa sheegay in ay socdaan hawlaha gurmadka degdegga.
Illaa hadda lama hayo khasaaraha ka dhashay shilkan diyaaradeed, waxaase meesha diyaaraddu ku dhacday ka muuqda Uuro madow oo muujineysa in diyaaradda dab qabsaday.