Badda PL,waxaa ka Kalluumaysta in ka badan 2100 Doonyo iyo Maraakiib shisheeye.
Ku dhawaad Bishii,waxay la baxaan Kalluun qiimihiisu gaarayo $120-Milyan.
Dad kooban oo PL udhashay iskuguna jira ganacsato iyo siyaasiyiin,ayaa ka hela Lacag yar oo gaaraysa $1-Milyan.
Dowlada PL,waxaa uga soo xarooda Canshuur kooban oo Shati ah,taasoo dhan $5000 ugu badnaan Markabkii.
Maraakiibta iyo Doonyaha ku jira Bada intooda badan,waxay ka kala yimaadeen Wadamada kala ah….
- 1500 oo Iraaniyiin ah.
- 300 oo Shiinays ah.
- 300 oo Yemeniyiin ah.
Wax badan,ayaa laga qaban karaa xaaladan…..
B. Dowladu,waxay dajin kartaa qorshe dhab ah oo fulin daba socoto,iyadoo khuburo loo yeeri karo,kadibna la diyaariyo hawlgal ka faa’idaysiga Kalluunka ah,waxaana lagu diyaarin karaa Shir socda Sadex maalmood oo Albaabadu uxiran yihiin.
T. Waxaa la qaadan karaa habka loo yaqaan (Morocco Model) oo ah 70% wax soo saarka la dhoofinayo in ay yeelato Dowlada PL,halka 30% ay yeelanayso Shirkada soo saaraysa ee soo gadaysa,waana hab looga guuri karo kan Shatiga la canshuurayo ee dayacan.
J. Waxaa la abuuri karaa Shaqooyin fara badan oo dakhli bulshada usoo xareeya.
Kalluumaysigu,waa Il Dahabka la mid ah oo PL ay keedahay,taasoo laga abuuri karo Shaqooyin iyo Canshuur,waxayse ubaahan tahay qorshe Qaran oo hogaamin adag la socoto.