TikTok ayaa shaqadeedii Mareykanka joojisay goor dambe oo xalay ah, waxaana laga waayay dukaamada Apple iyo Google ka hor sharci dhaqan galaya Axadda maanta, kaasi oo dalbanaya in la xiro app-ka ay isticmaalaan 170 milyan oo Mareykan ah.
Madaxwenaha la doortay ee Mareykanka Donald Trump ayaa Sabtidii shalay sheegay, in ay aad ugu badantahay in uu barta bulshada ku xiriirto ee TikTok siin doono muddo 90-cisho ah, xilli mamnuucista TikTok ay Axadda maanta ah ka bilbaanayso ka dib amar shuruud lagu xiray oo maxkamadahu ay aaladdan uga mamnuuceen in ay ka shaqeyso guud ahaan Mareykanka.
Barnaamijyada kale ee ay leedahay ByteDance, oo ay ku jiraan app-ka muuqaallada lagu jarjaro ee Capcut iyo app-ka kale ee hab-nololeedka bulshada ee Lemon8, ayaa sidoo kale qadka ka baxay oo aan laga helin dukaamada app-ka ee Maraykanka ilaa xalay.
Shirkadda TikTok oo qiyaastii ku dhawaad kala bar shacabka Mareykanka ay adeegsadaan, ayaa fursado ganacsi iyo halabuuro shaqooyin dhanka online-ka ah siisa dadka isticmaalka aaladdaan.
Xigasho:-VOA