Weli,waxaa sii socda weeraradii Cirka ee udhaxeeyay Iran iyo Israa’iil ee bilowday 13-kii Bishan,waxayna Wasaarada Caafimaadka Iran qirtay in ay kaga geeriyoodeen 430- Qof.
Saakay Iran,waxay tiro Gantaalo ah ku weerartay Magaalooyinka Israa’iil ee Telaabiib iyo Xayfa.
30- Qof,ayaa ku dhaawacmay weerarka Iran ku qaaday Magaalada Xayfa.
Israa’iil dhankeeda,waxay weerartay mid ka mid ah Magaalooyinka lagu hormariyo Niyuukleerka Iran ee Isfahan,waxayna sheegeen Maamulka Magaaladaas in aysan jirin Liig Niyuukleer oo dhacay.
Sidoo kale Magaalada ku taal Koonfurta Tehran ee Qum,waxay wax yeeleeyeen dhismayaal Gantaalada Israa’iil,iyadoo Laba Qof ay ku geeriyoodeen.
Waxay kaloo Iran sheegtay in Magaalada Kharomabad weeraro ay qaaday Israa’iil 5 ka mid ah ilaalada Kacaanka ku dhinteen.