Wada-hadallo la doonayay in lagu soo afmeero dagaalka dhaqaale ee Mareykanka iyo Canada, ayaa guuldareystay kaddib markii ergada labada dhinac ay isku mari waayeen heshiis laga gaaro canshuuraha dheeriga ah ee Madaxweyne Donald Trump kusoo rogay Canada.
Trump ayaa saaray Badeecaddaha ka yimaada dalka Canada ee gala Mareykanka canshuur dhan 50%, Canada oo ka carootay tallaabada ayaa si lamid ah saartay baddeecadaha Mareykanka canshuur lamid ah.
73% Baddeecadaha ay soo saaraan Ganacsatada Canada ayaa loo iibgeeyaa gobollada kala duwan ee Mareykanka, canshuuraha dheeriga ah ee Trump ayaa si weyn looga dareemay suuqyada Canada.
In kabadan 90 Kun oo shaqo ayaa lumay, halka 6% uu hoos u dhacay dhaqaalaha Canada ee GDP. Ra’iisul Wasaaraha Canada ayaa ugu baaqay shacabka dalkiisa in ay adkeysi muujiyaan, lagana gudbi doono waqti dhow xaalada adag, ee ka dhalatay canshuur kordhinta Trump.
Madaxweyne Trump ayaa ku tilmaamay canshuur kordhinta u saaray Canada mid uu ku doonayo in Canada ay noqoto gobol kamid ah Mareykanka, ama ay weydo xuquuqda dheeriga ah, lalana xisaabtamo.
Dagaalka ganacsi ee Canada iyo Mareykanka ayaa loo arkaa mid aan sii socon karin, waxaana labada dal wadaagaan Arrimo badan, kuwaas oo soo dadajinaya heshiis la gaaro.
IDILNEWS