Ugu danbayn,isagoo qaba Suud qurux badan oo uqalma Aqalka cad,ayuu soo laabtay Mw Zelensky.
Si miqaam leh,ayaa loosoo dhaweeyay oo loola qabtay Shir jaraa’id oo ay markan ka muuqato xurmo ka badan intii hore.
Kulankan,wuxuu dhacay kadib kulankii dhexmaray Trump iyo Putin ee Alaska.
Zelensky markan mahan kaligiis oo waxaa galbinaya 7-hogaamiye oo Yurub ah,kuwaasoo ujeedkeedu yahay in iyaga,Trump iyo Zelensky ay toos uga wada xaajoodaan heshiiska lala galayo Ruushka.
Sida muuqata qorshaha Maraykanka ee Ruushka ay isla fahmeen,waxaa la hordhigay Zelensky,iyadoo Madaxda Yurub kusoo biirayaan.
Dhamaan shaqada socota,waa Macdanaha muhiimka ah ee caalamku sida weyn ugu baahan doono mustaqbalka in heshiis laga gaaro oo la qaybsado.
Maraykanka iyo Ruush,waxay kala goosteen Macdanaha muhiimka u ah Ganacsiga caalamka ee kusii ururaya Tiknoolajiyada casriga ah,waxaana xogaha hoose sheegayaan in ay gaareen heshiis buuxa oo ku saabsan sida ay uqaybsanayaan goobaha caalamka ay uga jirto Macdanahaas oo laga xusi karo Afrika,gaar ahaan Geeska iyo Galbeedka Afrika.
Somaliya,waa mid ka mid ah goobaha Macdanahaas laga helay ee yoolku saaran yahay.