Dagaalkii 3-Aad ee Aduunku in uu dhaco,ayaa qarka loo saaran yahay hadaan xal la helin deg-deg ah.
Dagaalkii Ukrain iyo Ruushku weli,waa sii socdaa,waana soo afjarmi waayay.
Qorshii nabada ee ugu danbeeyay oo Maraykanku keenay,waa ka gadmi waayay Ruushka iyo waliba Ukrain.
Qodobka ugu adag ee laysku mari la’a yahay,waa Dhulka Ukrain ee ku jira Gacanta Ruushka oo Maraykanku soo jeediyay in laga dhigo Dhul ka caagan Ciidamada.
Ruushku ma ogola taas,si lamid ah Ukrain ma rabto oo waxay soo jeedisay in Afti laga qaado dadka degan Dhulkaas.
Trump oo ballanqaadkiisii xilligii doorashada uu ahaa in uu soo afjarayo dagaalka Ukrain hada,wuxuu si cad usheegay in ay dhici karto in uu qarxo dagaalkii 3-Aad ee Aduunka.
Xoghayaha guud ee Nato,wuxuu ku dhawaaqay in Nato udiyaar garowdo dagaal.
Yurub,waxay ku jirtaa Shirar isdaba joog ah oo ay uga tashanayso dagaal ay la gasho Ruushka.
Guud ahaan Miisaska siyaasada caalamka laga jaangooyo,waxaa saaran dagaal,hadana qol walba,waxay danteedu ku jirtaa Nabad….
1.Ruush,wuxuu rabaa Dhul uu nabad ku joogo.
2.Ukrain,waxay rabtaa in loo xaqiijiyo sugnaanshaha amnigeeda.
3.Yurub,waxay rabtaa khatarta uga imaanaysa Ruushka oo joogsata.
4.Maraykan,wuxuu rabaa in colaada Ukrain ka soo afjaranto si uu ugu gacan banaanaado ka hortaga kobaca Shiinaha.