Ciidanka Booliska Puntland ayaa howlgallo lagu xoojinayo Amniga ka wada magaalada Boosaaso ee xarunta ganacsiga Puntland. Ciidanka ayaana baaris ku sameynaya gaadiidka maraya magaalada si looga hortago falal Amni-darro oo ka dhaca Boosaaso inta lagu guda jiro bisha barakeysan ee Ramadaanta.
Taliyaha Qeybta Booliska Gobalka Bari G/Sare Xuseen Cali Maxamuud, oo kormeeray Ciidanka howlgalka wada ayaa kula afuray bartamaha Magaalada Boosaaso, waxaana uu ku booriyay inay adkeeyaan Amniga si Shacabka looga ilaaliyo dhagarta Argagixisada.
