Midowga Musharixiinta Madaxweynaha Soomaaliya oo soo saaray War-saxaafadeed ayaa su’aal ka keenay Guddiga uu u magacaabay Ra’iisul Wasaare Mohamed Hussein Roble baaritaanka cabashada waalidiin Soomaaliyeed oo Carruurtood laba sanno kahor tababar loogu qaaday dalka Eritrea.
Midowga Musharixiinta ayaa sheegay inay soo dhaweynayaan Guddiga, balse ay is weydiinayaan sababta loogu daray Guddiga Wasiiro iyo Saraakiil kamid ah Xukuumadda tabashada laga qabay, Waxaana ay ugu baaqeen Ra’iisul Wasaare Roble inuu soo magacaabo Guddi cusub oo lagu kalsoonaan karo.
