Waxaa maanta la filayaa in Ciidamada federaalka ee Itoobiya ay galaan magaalada Mekelle ee xarunta gobolka Tigray, iyadoo la fulinayo heshiiskii nabadeed ee ay dowladda iyo jabhadda TPLF kala saxiixdeen 2-dii bishii Nofeembar.
Ciidamada Tigray,ayaa sidoo kale la filayaa in ay bilaabaan in ay Hubkooda culculus ku soo wareejiyaan Dowladda.
Shalay, Shirkadda isgaarsiinta ee Ethiotelecom ayaa ku dhawaaqday inay dib u billowday adeegyadii isgaarsiinta Magaalada Mekelle.
Isniintii,ayaa ergadii ugu horeysay oo ka socota Dowladda Federaalka ay gaareen magaalada Mekele tan iyo intii uu dagaalka bilaabmay 2-sano ka hor.