Qaramada Midoobey ayaa sheegtay in sanadkan ay kordheen weerarada u badan qaraxyada ay dagaalyahanada Al Shabaab ka fulinayaan magaalada Muqdisho, waxaana weeraradan dadka ugu badan ee lagu dilay lagu tilmaamay in ay shacab ahaayeen.
War kasoo baxay Xafiiska Qaramada Midoobey ee Soomaaliya ayaa lagu sheegay in weerarada Kooxda Al Shabaab ka geesanayaan magaalada Muqdisho ay kordheen sanadkan 2017-da marka loo eego sanadihii hore.
Qaramada Midobay ayaa si kulul u camnbaareysay weerarada Al Shabaab ka geesanayaan magaalada Muqdisho , waxa ayna sheegtay Qaramada Midoobay dadka ugu badan ee dhibka kasoo gaaro weeraradaasi ay yihiin shacabka .
Wakiilka Qaramada Midoobey u qaabilsan Soomaaliya Michael Keating ayaa sheegay in weerarada sanadkan ka dhacay magaalada Muqdisho lagu dilay dad gaaraya 337 Qof oo u badnaa shacab halka tiro intaa ka badana ay ku dhaawacmeen.
Michael Keating ayaa tilmaamay in Weerarrada Al-shabaab ka geestaan magaakada Muqdisho ay kor u kaceen 50%, waxa uuna intaa raaciyay tirada ugu badan dadka lagu dilay weeraradan in ay yihiin shacab aan wax dambi ah gelin.
Warkan kasoo baxay Qaramada Midoobay ayaa lagu sheegay in 10-kii malamood ee lasoo dhaafay weerarada Al Shabaab ka geesteen magaalada Muqdisho gaarayaan 12 weerar , waxaana la sheegay in weeraradaasi lagu dilay dad ka badan 28-qof oo shacab u badan.
Al Shabaab ayaa kordhisay qaraxyada iyo dilalka qorsheesan ee ka fuliyaan Muqdisho tan iyo markii la dhisay dowlada cusub, waxaana weerarkii ugu qasaaraha badnaa labo malain kahor uu ka dhacay agagaraka xarunta Wasaarada Gaashaandhiga halkasa oo lagu dilay dad ka badan 20-qof oo shacab u badnaa.