Ku-simaha Madaxweynaha Ahna Madaxweyne kuxigeenka Dowladda Puntland Mudane Ilyaas Cismaan Lugatoor, ayaa maanta Shir-guddoomiyey Shirka todobaadlaha ah ee Golaha Wasiirada oo todobaadkan looga hadlay: –
◆Amniga: Wasaaradda Amniga ayaa Golaha la wadaagtay Warbixinta todobaadlaha ah ee Amniga Guud ee Puntland, Howlgalada lagu soo afjaray Burbad badeeda iyadoo todobaadkan magaalada Boosaaso lagu soo bandhigay Markabka HONOUR 25 oo laga soo furtay Burcad badeeda.
◆ Nabadeynta Golaha ayaa boggaadiyey sida ay u socoto howsha nabadeynta Beelaha Walaalaha ah ee ku diriray Gobolka Sanaag, go’aankii ay nabadeynta ku ogolaadeen Beelaha diriray, Gogosha Dhaqanku ku dhawaaqay iyo dadaalka ay Dowladda Puntland gelisay in nabadeyn la isugu yimaado, Wasiirka Arrimaha Gudaha iyo masuuliyiin kale ayaan howshaasi u jooga degmada Ceelbuh ee Gobolka Sanaag.
◆ Kheyraadka Badda: Golaha ayaa looga hadlay horumarinta ka faa’ideysiga
kheyraadka Badda, iyadoo Wasaaradda Kalluumeysiga Puntland ay warbixin arrintan ku saabsan la wadaagtay Golaha. Wuxuu Goluhu adkeeyay baahida loo qabo in kor loo qaado xirfada ka faaidaysiga khayradka badda.
<
IDILNEWS