Qoraalkan hoos ku qoran ee aad arki doontaan waa warmurtiyeedkii shirka Golaha wasiirada fadaraalka ee maanta.
Loogama hadlin oo laguma soo qaadin weerarka argagixisada ee Puntland,xataa laguma xusin khasaaraha Puntland gaaray.
Shacabka geeriyooday ee argagixisadu laysay looguma tacsiyayn,
cajiib,cajiib Cajiib ,taariikh baa qornaysa waxii qarsoonaa ayaa tartartiib usoo baxaya,waxaa sidaa u dhaqmaya waa dawlada fadaraalka ee sheegata in ay dalkoo idil matasha.
Wadaniyada iyo kartida Ra’isalwasarae Khayre ma Xamar kaliya yaya aragtaa.
Waxaan ku kalsoonahay in Puntalnd isku filan tahay”
.
Halkan ka akhriso warmurtiyeedka golaha w.fadaraalka”
Golaha Wasiirada ee Xukuumada Federaalka Soomaaliya ayaa maanta yeeshay kulankoodii caadiga ahaa oo uu shir-guddoominayay Ra’iisal Wasaaraha Xukuumada Mudane Xasan Cali Kheyre, waxana looga hadlay arrimo kala duwan oo kamd yihiin, ansixinta Miisaaniyadda sanadkan 2017, mowqifka Soomaaliya ee xiisadda diblamaasiyadeed ee gacanka iyo dhalinyarada Soomaaliyeed ee ku xiran dalal dhowr ah.
Ugu horeyntii Golaha Wasiirada ayaa ka dooday xisaab xirka miinasaaniyaddii hore iyo meel marinta miisaaniyadda 2017, waxana goluhu isku raacay ansixinta miisaaniyadda cusub oo ka kooban $246 Malyuun oo dollar, taasi oo dawladdu ku shaqeyn doonto inta ka dhiman sanadkan.
Golaha Wasiirada Xukuumadda ayaa sidoo kale ka dooday mowqifkii dawladdu ay ka qaadatay khilaafka diblamaasiyadeed ee u dhexeeya Qatar, Sucuudiga iyo dalalka Carbeed ee isbahaysiga la ah, waxana goluhu taageeray goaanka dhex dhexaadnimada ah ee dawladda Soomaaliya ka qaadatay arrinkaas, iyagoo bogaadiyey dadaalada socda ee xalka loogu raadinayo khilaafka labada dhinac.
Ugu danbeyntii Golaha Wasiirada ayaa walaac ka muujiyey xaaladda qaxootiga Soomaaliyeed ee Yaman iyo dhalinyarada ku xirran Liibiya, waxana goluhu sheegay in uu ku dadaali donaan sidii wax loogu qaban lahaaa samatabixinta dadkaas oo dhibaatooyin kala duwan haystaan. Sidoo kale waxaa Golaha Wasiiradu soo dhaweeyeen dhaqan gelinta heshiiskii dawladda Soomaaliya iyo Hindiya ku gaareen in dhalinyarada Soomaaliyeed ee dalkaas ku xiran dib loogu soo celiyo dalkoodii hooyo.
—-DHAMMAAD—-