Ururka Ahlu-sunna Waljameeca ayaa sheegay in Maamulka Galmudug ee uu hoggaamiyo ay la-dagaalankooda u adeegsaday hub ay dhowaan ku wareejisay dowladda Puntland.
Sheekh Maxamed Shaakir Cali Xasan oo wareysi gaar ah siiyay BBC-da ayaa sheegay in Puntland ay hub ay ugu talagashay la-dagaalanka Argagixisada Al-Shabaab ku wareejisay maamulka Qoorqoor, iyadoo Qoorqoor uu hubkaasi geystay magaalada Dhuusamareeb, halkii uu u diri lahaa jiidaha dagaalka.
Sidoo kale, Qoorqoor ayuu ku eedeeyay in hubkaas ay Galmudug ugu deeqday Puntland uu si lamid ah Ciidanka DFS ee uu tababaray Turkigu ugu adeegsaday la-dagaalanka culimada Ahlu-sunna.
Sheekh Maxamed Shaakir ayaa uga mahad-celiyay Puntland garab istaagooda maal iyo moodba leh ee ay ugu deeqeen Ciidanka dagaalka kula jiray Al-Shabaab, balse wuxuu sheegay in kutalagalkii deeqdooda la marin habaabiyay.
Idilnews