Dawlada Turkiga ayaa Soomaaliya usoo dirtay diyaarad siday gaadiidka gurmadka iyo shaqaale caafimad si ay ugu gurmadaan dadkii dhibaatadu kasoo gaartay qaraxii shalay ka dhacay magaalada Muqdisho.
Afhayeenka M/weynaha Turkiga Ibraahim Kaalin ayaa sheegay in diyaarad ciidan oo siday gaadiidka gurmad iyo shaqaale caafimaad inay maanta Soomaliya usoo direen waxaana kooxdaan ka qeyb qaadan doonaan u gurmashada dadka ku dhaawacmay qaraxii shalay.
Wakaaladda wararka Anadooliya ayaa sheegtay in diyaaradaasi ay dalka Turkiga u qaadi doonto dhaawacyada ku jira isbitaaladda ee xaaladoodu culustahay.
Afhayeenka u hadlay madaxtooyadda Turkiga waxaa uu sheegay in amarka diyaradaan iyo shaqaalaha caafimaadkaba lagu soo diray uu baxshay M/weynaha Turkiga Rajjap Tayip Ordegan.
Dad badan oo qaba dhaawacyo culus oo kasoo gaaray qaraxii shalay ayaa buux dhaafiyay isbitaaladda Magaalada Muqdisho.