Garoowe: 25 October 2024: Madaxweynaha Dowladda Puntland Mudane Siciid Cabdullaahi Deni, ayaa maanta kulan Qado ah la yeeshay Wafdi Isimada dhaqanka Gobolka Bari ah oo safar ku jooga Garoowe, Kulanka waxaa ka qeybgalay Isimo, Cuqaal , Nabadoono iyo Waxgarad ka socda Gobolka Bari kuwaasi oo safar uga soo laabtay Degmada Buurtinle.
Madaxweynaha Dowladda Puntland ayaa la wadaagay Isimada, cuqaasha iyo Nabadoonada Gobolka Bari, warbixin ku saabsan xaaladda guud ee Puntland iyo dhameystirka hannaanka Dimuqraadiyadda Puntland ee qof iyo cod oo hada maraya meel wanaagsan, Iyadoo ay inagu soo fool leeyihiin Doorashada Golaha Wakiillada iyo Madaxtooyada, Sidaasi darteed ay muhim tahay in la isu wada diyaariyo oo bulshada dhinac kasta uu doorkiisa qaato.
-DHAMMAAD-
XAFIISKA WARFAAFINTA MADAXTOOYADA DOWLADDA PUNTLAND.