Shil gaari oo sababay dhimasho iyo dhaawac ayaa ka dhacay degmada Yucub ee Gobolka Doollo, DDS, ku dhawaad 11:30 habeenimo. Gaariga oo ahaa Leylo Calaawi ayna leedahay Shirkada Safarada ee Al-Ixsaan ayaa saaka aroortii ka soo baxay Garoowe kuna sii jeeday magaalada Qabridahar ee Xlxarunta Gobolka Qoraxay.
Tirada dadka ku dhintay shilka gaariga ayaa Daljir loo sheegay in ay yihiin saddex ruux, halka 5 kalane ay ku dhaawacmeen.
Dadkaas ayaa hadda lagu dabiibayaa Isbitaalka weyn ee Gobolka Doollo, Degmadiisa Wardheer.
Dadka dhintey ee eheladooda la baafinaayo ayaa kala ah
1. Maxamed Shire Cismaan, 40 jir
2. Faadumo Jaamac, 17 jir
3. Caasha Cabdinuur Aadan, 40 jir
Dhaawaca oo 5 ruux ah ayaa kala ah:
1. Faadumo Siciid Maxamed,
2. Abshiro Cabdinuur
3. Fardawsa Xaashi Soofe
4. Cabdinuur Cali Cabdullaahi
5. Iyo darawalka oo ka soojeeda Itoobiya laguna maagacaabo Henok Debebe.
Haddaba ciddii garaneysa ehelka meydadka iyo dhaawaca ha la xiriiraan Mareeyaha Isbitaalka weyn ee Gobolka Doollo Dr Axmed Deeq, Tel. +251 91 576 1421.
Xigasho:-Radio Daljir