Garowe: 26-Jan-2025: Wasiirka Wasaaradda Wasaaradda Qorsheynta, Horumarinta Dhaqaalaha iyo Iskaashiga Caalamiga ah ee Dawladda Puntland Mudane Daa’uud Maxamed Cumar ayaa shir-gudoomiyay shir u dhaxeeyay dawladda Puntland iyo madaxda hay’adda UNDP oo uu hoggaaminayay Lionel Laurens madaxa xafiisaka Soomaaliya.
Shirka waxaa looga wada-hadlay xoojinta xiriirka wadashaqayneed ee dawladda iyo hay’adda, iyadoo diiradda la saarayo dhinacyada horumarinta arrimaha hortebinta u leh dawladda Puntland sida fududeynta mashaariicda.
Wasiirka ayaa sidoo kale madaxda hay’adda la wadaagay qorsheyaasha horumarineed ee ay hiigsanayso dawladda Puntland gaar ahaan Qorshaha Horumarinta ee sanadda 2024 ilaa 2029 (PDP⁴) oo ay Wasaaradda Qorsheyntu hagayso diyaarintiisa.
……………………DHAMMAAD……………….
Baahinta: Xafiiska Warfaafinta Wasaaradda Qorsheynta, Horumarinta Dhaqaalaha iyo Iskaashiga Caalamiga ah ee Dowladda Puntland.