Safaaradda Mareykanka ee Soomaaliya ayaa ka hadashay dagaalka ciidamada geesiyaasha ah ee Puntland kula jiraan argagixisada caalamiga ah ee Daacish, iyo weerarkii talaadadii todobaadkii ay kusoo qaadeen maleeshiyaadka argagixisada furimaha hore ee Togga Jeceel, kaas oo si ba’an loogu jebiyay Daacish, loogana dilay 89 xubnood.
“Waxaan cambaareyneynaa weerarkii argagixiso ee ISIS ee ka dhanka ah Ciidamada Difaaca Puntland ee dhacay 11ka Febraayo. Waxaan tacsi u diraynaa qoysaska geesiyaasha ciidamada amniga Puntland ee askarta ku waayey naftooda weerarka.
