Maamulka Somaliland ayaa ku dhawaaqay in uu laalay wada-hadalladii ay la geli jireen Dowladda Federaalka Soomaaliya, kuwaas oo soo socday in kabadan 10 sano aanana laga gaarin wax natiijo ah.
Go’aanka ayaa laga soo saaray shir maanta ay yeesheen Golaha Wasiirada Somaliland – iyagoo si adag u cambaareeyay safarkii Ra’iisul Wasaaraha XFS, Xamze Cabdi Barre uu ku yimid magaalada Laascaanood iyo deegaano kale oo katirsan Sool.
Somaliland ayaa sheegtay in aysan jirin wadahadal ku aadan maxaabiista oo ay la gashay DFS.
“Ma jirto wax wada hadal ah oo dawladda Somaliland kala yeelatay arrimaha Maxaabista, Maxaabista uu Raysal wasaadaha Soomaaliya geeyey Muqdisho ma ahayn maxaabis dagaal.”
Sidoo kale, maamulka Somaliland ayaa ku eedeeyay DFS in jidka nabadda ay dooratay dagaal.