Dowladda Mareykanka ayaa iska diiday taageero dhaqaale oo ku bixiso howlgalka nabad ilaalinta Soomaaliya ee AUSSOM, kaas oo hadda wajahaya dhaqaale xumo baahsan.
Howlgalka AUSSOM oo horey loo oran jiray AMISOM & ATMIS – ayaa hadda loo bedelay magaca, waxaana kusoo biiray dalka Masar oo ka helay ciidamo ka badan kun askari, kuwaas oo qeyb ka noqon doona mashruuca nabad ilaalinta Soomaaliya.
Mareykanka ayaa doonaya in isbedel lagu sameeyo nooca howlgalka, dhaqaalaha ku baxa, iyo waqtiga kooban lagu soo gabagabeeyo, lagana gaaro natiijo rasmi ah.
Sidda laga soo xigtay sarkaal sare oo katirsan Wasaaradda Arrimaha Dibedda Mareykanka – Washington ayaa doonayso in la dhimo mushaarka la siinayo askariga AUSSOM, lana xadido dhaqaalaha ku baxa Saadka iyo dalalka midowga africa ay qeyb ka bixiyaan qaaraanka dhaqaalaha howlgalka oo inta badan uu bixiyo midowga Yurub.
In kabadan 20 kun oo askari oo ka socda ilaa 6 dal oo africaan ah ayaa ku sugan Koonfurta Soomaaliya, kuwaas oo gacanta ku haya amniga goobo muhiim ah, sidda garoonka diyaaradaha iyo Dekedda Muqdisho.
IDILNEWS