Sarkaal sare oo katirsanaa Qunsuliyadda Dowladda Itoobiya ee Garoowe, Laguna magacaabi jiray Faarax Caydiid Jaamac ayaa lagu dilay magaalada Laascaanood ee xarunta gobalka Sool.
Faarax ayaa la xaqiijiyay in lagala baxay hoygii uu ka deganaa Laascaanood, iyadoo meydkiisa laga banaanka magaalada, xilli ay dushiisa ku yaalleen jirdil loo geystay iyo xabaddo lala dhacay.
Maamulka Sool Bari ee ka arimiya Laascaanood ayaa weli ka hadlin dilka Faarax Caydiid, oo u muuqda mid qorsheysnaa.
Laascaanood ayaa kamid ah meelaha ay saameynta ba’an ku leeyihiin kooxaha argagixisada ah, gaar ahaan Al-Shabaab oo in muddo ah dilal ka geysan jirtay magaalada.
Xogo sirdoon oo dhowaan soo baxay ayaana cadeynaya in bilihii u dambeeyay ay Al-Shabaab u ahayd aag muhiim ah oo ay gabaad iyo marin u ah xubnaha argagixisada Al-Shabaab ee jooga buuraleyda Cal-madow ee Puntland.
IDILNEWS