Maxamed Xuseen Rooble, Ra’iisul Wasaarihii hore ee XFS – ayaa buuq ka abuuray kulamada mucaaradka diiddan Madaxweyne Xassan Shiikh, ee ka socda magaaladda Muqdisho.
Rooble oo isniintii soo gaaray Muqdisho, ayaa la xaqiijiyay in uu ka horyimid qorshe la doonayay in Madaxweyne hore Shariif Shiikh Axmed, looga dhigo Guddoomiyaha Madasha Mucaaradka oo lagu dhawaaqayo.
Wararka ayaa sheegaya in Maxamed Rooble uu dalbaday in doorasho laga dhigo Guddoomiyaha mucaaradka, taas oo ay iska diiddeen inta badan xubnaha mucaaradka ah ee ku sugan Muqdisho.
Idilnews, ayaa ogaatay in siyaasiyiinta mucaaradka ah ay shaki ka qabaan daacadnimada mucaaraddada Maxamed Rooble, maadama la xaqiijiyay in uu dhaqaale xooggan ka qaato Villa Somalia, uuna xiriir dhow kala dhexeeyo Xassan Shiikh, oo doonayay in uu buuq ku furo, sidoo kalena kala jebiyo mucaaradka kasoo horjeeda ee diiddan qorshihiisa boobka doorashada.
IDILNEWS