Madaxweynaha Puntland, Said Abdullahi Deni iyo Madaxweynaha Somaliland Cabdiraxmaan Cirro ayaa kulan ku yeeshay magaaladda Nairobi ee dalka Kenya.
Kulanka oo qabsoomay xalay, ayaa diirada lagu saaray xoojinta xiriirka Puntland iyo Somaliland, iyadoo Deni iyo Cirro Isla meel dhigeen muhiimada ay leedahay in ka wada shaqeynta danaha labada dhinac ee ku foogan Arrimaha Soomaaliya.
Deni ayaa habeen kahor soo gaaray Nairobi, isagoo soo gaabiyay safar uu ku joogay magaaladda Dubai, si uu ula kulmo Cabdiraxmaan Cirro oo booqasho ku jooga dalka Kenya.
Is aragga Deni iyo Cirro ayaa daba socda dib u soo celinta xiriirka Puntland iyo Somaliland, kaddib dagaalkii Laascaanood – dhowaan labada dhinac ayaa is dhaafsaday maxaabiis dagaal, kuwaas oo lagu kala qabsaday dagaalladii Sool Bari.
IDILNEWS