Ciidamada geesiyaasha ah ee Dowladda Puntland ayaa maanta howlgallo ka wada deegaannada ku harreeraysan Togga Miiraale, ee buuraleyda Cal-miskaad ee gobalka Bari.
War kooban oo kasoo baxay Taliska Howlgalka ciribtirka argagixisada ee Puntland ayaa lagu sheegay in howlgalka lagu ugaarsanayo firxadka argagixisada Daacish ee ka baxaday maalmo kahor Miraale.
“Maanta Ciidanku waxay hawlgal ka wadaan deegaannada ku hareeraysan Togga Miraale, iyagoo ugaarsanaya firxadkii Argagixisada Daacish ee ka cararay Miiraale, Calmiskaad.”
Maalmo kahor, ciidamada Puntland ayaa qabsaday Taliskii ugu weynaa ee argagixisada Daacish ku lahayd Cal-miskaad, oo ku yaallay Togga Miiraale, waxaana hadda firxad kala noqday xubno kooban oo ka harray argagixisada, kuwaas hadda bilaabay in ay Isa soo dhiibaan.
IDILNEWS