Ciidamada Mareykanka ee sida gaarka ah u tababaran iyo kuwa la dagaallanka Argagixisada ee Puntland,ayaa subaxnimadii hore ee 25-ka Bishan November ku qaaday weeraro culus fariisimo ay Daacish-Soomaaliya kaga sugan yihiin Toga Baalade.
100-Askari in ka badan oo Ciidamada Maraykanka ah,ayaa ka qayb qaatay weerarka.
Diyaaradaha Helicopter ah MH-60 oo ay saaran yihiin MQ-9 Reapers,ayaa iyaguna qayb ka ahaa weeraka,waxayna duqeymo ka geysteen Godad ku yaal Habar-Bakuuje iyo Mareero ee Calmiskaad.
Godadka la duqeeyay,waxaa ku jiray dagaalyahano ka tirsan argagixisada Daacish,kuwaasoo gaaraya 10 ilaa 15.
Ciidamada Maraykanka oo ku dagay Godadkaas,ayaa iska hor imaad dhexmaray Argagixisada ku jirtay Godadka.
Iska hor imaadkaas oo socday Afar saacadood,ayaa waabarigii soo gabagaboobay,iyadoo lagu dilay 5 ilaa 10 xubnood oo argagixisada ah.
Wararka la helayo,waxay sheegayaan in uu ku jiro mid ka mid ah Madaxda ugu saraysa Daacish oo dhalashadiisu Somali ay tahay iyo ilaaladiisii.
Weerarkaas,waxaa lagu burburiyay kayd Hubeed iyo Qalab Dahabka lagu baaro oo Daacish ay lahayd.
Ilaa iyo hada lama sheegin khasaare soo gaaray Ciidamada Maraykanka ee fuliyay hawlgalkaas.
Maraykanka,ayaa sheegay in Puntland soo afjartay hawlgalkii Hillaac ee la dagaallanka Daacish,isla markaana ay gacanta ku qabatay si buuxda 100% Buuraha Calmiskaad.
Sidoo kale Maraykanku,wuxuu xaqiijiyay in PL ku guda jirto haatan ciribtirka daacish ka hor Sanadkan dabayaaqadiisa.
Warbixintan habayaraatee laguma xusin DFS,waxaana si cad loogu magac dhabay Puntland.
Xigasho:-OSI https://x.com/Osint613/status/1993306288625729930?t=ml3qQFPz3r_iepdM7IIjTw&s=08